दै. लोकजन वृत्तसेवा तुमसर :- महावितरणच्या उपविभाग कार्यालयामध्ये ऑनलाईन वीजबिल भरणा करणाऱ्या ग्राहकांसाठी लकी डिजिटल ग्राहक योजना २०२५ सुरू करण्यात आलेली होती या योजनामध्ये तुमसर उपविभागामधील प्रथम पुरस्कार प्राप्त विनोबा नगर तुमसर येथील भोजराज संपत देशमुख तसेच द्वितीय पुरस्कार प्राप्त आलेसूर येथील उमराव मणिराम कैताडे व विनोबा नगर येथील राकेश रमेश तिजारे यांना मोबाईल बक्षीस देऊन पुरस्कृत करण्यात आले आहे. ज्या विज ग्राहकांनी सतत मागील १२ महिने वीजबिल ऑनलाईन भरणा केलेला आहे अशा ग्राहकांमधून लकी ड्रॉ च्या माध्यमातून प्रथम, द्वितीय व तृतीय क्रमांकाचे ग्राहक निवडून पुरस्कृत करण्यात आले. सदर बक्षीस कार्यक्रमास अमित पाटील, उपकार्यकारी अभियंता उपविभाग तुमसर, ईश्वर धडाडे, सहाय्यक अभियंता वितरण केंद्र तुमसर ग्रामीण, नरेंद्र टेंभुरकर सहाय्यक लेखापाल तुमसर उपविभाग यासह इतर कर्मचारी व ग्राहक उपस्थित होते.
