भोंबोडी येथे लावणी कार्यक्रमाचे जि.प. सदस्य जगदीश (बालू) बावनथडे यांच्या हस्ते दीप प्रज्वलन करून उद्घाटन

दै. लोकजन वृत्तसेवा

तिरोडा :- महाराष्ट्राची लोकसंस्कृती आणि अस्सल लावणीच्या अदाकारीने परिसर दुमदुमून गेला। निमित्त होते भोंबोडी येथील बहुचर्चित लावणी कार्यक्रमाचे। या रंगारंग कार्यक्रमाचे उद्घाटन राष्ट्रवादी काँग्रेस पार्टीचे तिरोडा तालुकाध्यक्ष तथा जि.प. सदस्य जगदीश (बालू) बावनथडे यांच्या हस्ते अत्यंत उत्साहपूर्ण वातावरणात दीप प्रज्वलन करून दिमाखात पार पडले।

आपल्या अभ्यासू व जनमानसाशी एकरूप असणाऱ्या नेतृत्वशैलीमुळे अल्पावधीतच लोकप्रिय झालेले जगदीश (बालू) बावनथडे यांचे कार्यक्रमाच्या ठिकाणी आगमन होताच उपस्थितांनी व तरुणांनी त्यांचे जंगी स्वागत केले।

कार्यक्रमाच्या सुरुवातीला बावनथडे यांच्या हस्ते दीप प्रज्वलन करून महाराष्ट्राची लावणीकला आणि सांस्कृतिक वारसा जोपासणाऱ्या या कार्यक्रमाला सुरुवात करण्यात आली। यावेळी बोलताना ते म्हणाले, ‘महाराष्ट्राची लोककला ही आपल्या मातीचा मानबिंदू आहे। ग्रामीण भागातील संस्कृतीला जपणारे असे कार्यक्रम सामाजिक सलोखा वाढवण्यासोबतच नृत्यांगनांच्या कलागुणांना हक्काचे व्यासपीठ मिळवून देतात। लावणीसारख्या समृद्ध कलेचे संवर्धन करणे आपली सर्वांची जबाबदारी आहे।’

Leave a Reply

Your email address will not be published. Required fields are marked *