घरकुल ते विकासकामांसाठी रेतीला रॉयल्टी उपलब्ध करण्याचे धोरण राबवा

दै. लोकजन वृत्तसेवा भंडारा :- घरकुल पासुन ते केंद्र शासनाच्या विविध योजनेतुन विकासकामांवर वापरण्यात येणाऱ्या रेती ला रॉयल्टी उपलब्ध करण्याचे धोरण राज्यात राबविण्यात यावे अशी मागणी राष्ट्रवादी काँग्रेस शरदचंद्र पवार गटाचे जिल्हाध्यक्ष माजी आमदार चरण वाघमारे यांनी राज्याचे महसुलमंत्री चंद्रशेखर बावनकुळे यांना पाठविलेल्या पत्रातून केली आहे. पत्रान्वये, भंडारा जिल्हयासह विदर्भात नदयांच्या पुर्ण क्षमतेने विकास झालेला असल्याने मौल्यवान रेतीचे उपसा शासनाकडुन लिलावाद्वारे जरी करण्यात येत असले तरी कित्येक रेती घाट पर्यावरणाची परवानगी माती मिश्रीत रेती च्या नावाने तांत्रीक पळवाटीतुन दिलेली असल्याने, शासकीय कामात हीच रेती चोरीच्या स्वरुपात वापरली जात असुन, बिले काढतांना रॉयल्टीचे पैसे कापले जातात परंतु रॉयल्टी मात्र मागीतली जात नसल्याने, शासनाकडुनच रेती चोरीला थेट परवानगी दिली जात असल्याची जनभावना तयार झालेली आहे.

काही रेती घाट लिलाव झालेच नसल्याने, विविध सत्तापक्षाचे पदाधिकारी सत्तेचा धाक आणि सेटींग करुन खुलेआम रेती चोरी करीत विदर्भात नविन माफियाराज तयार होत असल्याचे दिसते. यात संबंधित प्रशासन सोबत पोलीसांचे लागेबांधे असल्याने त्यांच्या समोरुन होणारी वाहतुकीवरुन दिसते. ज्या खाजगी जमीनी नदीपात्रात पुरामुळे गिळंकृत झाल्याने या खाजगी गटामध्ये आता रेती भरलेली असल्याने, त्या रेतीची सर्रास चोरी होत असल्याचे नविन प्रकार निर्माण झालेले आहे. यावर आळा घालण्यासाठी शासनाने या जमीनीला संपादित करुन त्या रेतीला लिलाव प्रक्रियेत समाविष्ट करावे. ज्याचा तांत्रीकदृष्ट्या फायदा रेती चोरांना मिळणार नाही. असेच वातावरण यापुढे कायम राहील्यास गुंडाराज निश्चीतच तयार होतांना दिसेल.

याकरिता, यथाशिघ्र रेतीघाटांचे सिमांकन करुन, गावातील लोकनियुक्त ग्रामंपचायतीला रेती घाट चालविण्याचे योजना तयार करावी, जेणेकरुन रेती चोरीला गावस्तरावरुन पायबंद बसल्याने, घरकुल पासुन सर्वांना शासन निश्चीत दरामध्ये रेती रॉयल्टी सहीत उपलब्ध होईल, शासनाकडे अधिकृत महसुल तयार होणार असल्याने विविध योजनेवर हा पैसा खर्च करता येईल. तलाठी कार्यालयाचे थकीत भाडे खाजगी घरमालकांना देण्यासारखे अनेक योजनासाठी निधी उपलब्ध होईल. आपल्यास्तरावरुन तात्काळ उपाययोजना तयार करुन विदर्भासह राज्यातील रेती चोरीला आळा घालुन मागेल त्याला रेतीची रॉयल्टी देण्याची हमी दयावी, अशी मागणी चरण वाघमारे यांनी केली आहे.