रेती वाहतुक करणाऱ्या ट्रॅक्टरवर कारवाई

दै. लोकजन वुत्तसेवा सिहोरा :- पोलीस स्टेशन सिहोराचे हवालदार इळपाते हे स्टाफसह पोलीस जिप गाडीने पंच नामे भाष्कर राजु कोकोडे व प्रीतीलाल यादोराव रहांगडाले रा. मच्छेरा यांचेसोबत असतांना एक रेतीने भरलेले टॅक्टर मच्छेरा रोडने येतांनी दिसला. त्याला थांबवुन सदर वाहणाचे चालकास वाहन थांबविण्याबाबत ईशारा केला असता वाहन चालकाने आपले वाहन थांबविले. सदर वाहनाचा नंबर पाहले असता विना क्रमाकाची जॉन डीअर टॅक्टर व रेतीने भरलेली लाल रंगाची विना क्रमांकाची ट्रॉली असा होता. सदर टॅक्टर चालकास पंचासमक्ष नाव गाव विचारले असता चालकाने त्याचे नाव राकेश रमेश पटले (वय ३०) रा. मच्छेरा असे सांगीतले.

चालकास त्याचे वाहणात असलेल्या मालाबाबत विचारणा केली असता त्याने रेती असल्याचे सांगीतले. वाहनात अंदाजे १ ब्रास रेती अंदाजे किंमत २ हजार व ट्रॅक्टर व ट्रॉली किंमत ५ लाख रुपये मिळून आला. रेती वाहतुकीचा पास परवाणा विचारले असता त्याने नसल्याचे सांगुन दाखविले नाही. वेळीच सदर टॅक्टर वेळीच ताब्यात घेवुन घटणास्थळ पंचणामा तसेच जप्ती पंचणामा तयार करण्यात आले. टॅक्टर चालक विरुध्द गुन्हा दाखल करण्यात आला आहे. वरील कारवाई पोलीस अधीक्षक नूरुल हसन, अपर पोलीस अधीक्षक ईश्वर कातकडे, उपविभागीय पोलीस अधिकारी पांडुरंग गोफने यांच्या मार्गदर्शनाखाली ठाणेदार विजय कसोधन व पो. हवा इळपाते यांनी केली.