भंडारा जिल्हा पोलीस आरोग्यम ॲपचे प्रायोगिक तत्वावर उद्धघाटन

 दै. लोकजन वृत्तसेवा भंडारा :- भंडारा जिल्हा पोलीस अधीक्षक श्री नुरुल हसन यांच्या संकल्पनेतून व लक्ष हॉस्पिटल यांच्या सहकार्याने सुरू करण्यात आलेल्या आरोग्यम ॲप चे दि. १७ एप्रिल रोजी उद्घाटन करण्यात आले. शासनाच्या नवीन धोरणानुसार ४० वर्षावरील सर्व शासकीय कर्मचारी यांचे मेडिकल चेकअप करण्याचे धोरण आहे यांचेच एक पाऊल म्हणून भंडारा जिल्हा पोलीस अधीक्षक यांनी आधुनिक पद्धतीने अँप चा वापर करून जिल्ह्यातील अधिकारी अंमलदार यांचे मेडिकल चेकअप करण्यात येणार आहे. लक्ष हॉस्पिटल च्या सहकार्याने सर्वांचे मेडिकल चेकअप करण्यात येणार आहे.

या अँपमध्ये सुमारे २७ प्रकारचे टेस्ट करता येणार असून अनेक वर्षापर्यंत मेडिकल चे रेकॉर्ड त्या अँप ठेवता येणार आहे. असे अँप चालू करणारे भंडारा हा राज्यातील पहिलाच जिल्हा आहे. या वेळी पोलीस अधीक्षक नूरुल हसन, लक्ष हॉस्पिटलचे डॉ गोपाल व्यास, डॉ जया व्यास, पोलीस उपअधीक्षक प्रशांत कुलकर्णी, पोलीस निरीक्षक भुसारी सर, पोलीस निरीक्षक नितीन चिंचोळकर, पोलीस निरीक्षक गोकुळ सूर्यवंशी, पोलीस निरीक्षक भिमाजी पाटील, पोलीस निरीक्षक पिसाळ व इतर अधिकारी कर्मचारी हजर होते.