मध्यरात्रीच्या सुमारास गोंदियाच्या रामदेवराबाबा मंदिरातून रामदेवबाबाचा ५ किलो चांदीचा पुतळा चोरीला
चोरट्याने ज्या पद्धतीने मूतीचोरी केली, त्याची त्याला आधीच माहिती होती असे चोरीच्या प्रकारातून कळते तसेच त्याला मंदिरातील परिस्थिती ची ही बरीच माहिती होती, असे ही त्याच्या वर्तणुकीतून लक्षात येते. अशास्थितीत रामनगर पोलिसांना माहिती देऊन तक्रार नोंदवून आता या प्रकरणाचा तपास सुरू आहे. चोरीनंतर पोलिसांनी तपासासाठी श्वानपथक आणि फिंगर प्रिंट तज्ञही तैनात केले असून, पोलिसांना चोरट्यापयत किती दिवसात पोहचते हे पुढे कळणार. गोंदिया शहरातील रेलटोलीपरिसरातील प्रसिद्ध रामदेवराबाबा मंदिरातून चोरट्यांनी दीड लाख रुपये किमतीचा ऐवज चोरून नेला. ही घटना ४ फबवारी रोजी पहाटे ५.१५ च्या सुमारास उघडकीस आली. ३ ते ४ फेब ्रुवारीच्या मध्यरात्री चोरट्यांनी मंदिरात प्रवेश करून गर्भगृहाच्या दाराचा कोंडा तोडून अंदाजे ५ किलो वजनाची चांदीची मूतर्ी व १ किलो वजनाच्या चांदीच्या पादुका असा १ लाख ५० हजार रुपयांचा मुद्देमाल चोरून नेला. याप्रकरणी हरिलालभाई राठोड (६२) रा. गड्डाटोली,गोंदिया यांच्या तक्रारीवरून रामनगर पोलिस ठाण्यात गुन्हा नोंद करण्यात आला.
घटनेची माहिती मिळताच गोंदियाच्या उपविभागीय पोलिस अधिकारी रोहिणी बानकर यांनी सकाळी घटनास्थळाला भेट देऊन पाहणी केली. पुढील तपास पोलिस निरीक्षक प्रवीण बोरकुटे यांच्या मार्गदर्शनात सहाय्यक पोलिस निरीक्षक सुमेद खोपीकर करीत आहे. घटनास्थळा वरून सीसीटीव्ही फुटेज प्राप्त झाले आहे. यात एक ४५ ते ५० वयोगटातील एक आरोपी दिसून येत आहे. या चोर आरोपीच्या शोधासाठी स्थानिक गुन्हे शाखा व रामनगर पोलिसांची चार पथके रवाना करण्यात आल्याचे तसेच चोरटा लवकरच पोलिसांच्या ताब्यात असेल असे रामनगर ठाण्याचे पोलिस निरीक्षक प्रवीण बोरकुटे यांनी “लोकजन’ सोबत बोलताना सांगितले.