दै. लोकजन वृत्तसेवा साकोली :- निमा भंडारा शाखेच्या नव्या अध्यक्षपदी डॉ. राजेश चंदवानी व सचिव पदी रूपेश दुरुगकर यांची दि. १७ जानेवारी रोजी सर्वानुमते निवड करण्यात आली. शुक्रवारला दुपारी ३ वाजता बावणे कुणबी समाज सभागृह लाखनी येथे निमा भंडारा शाखेची वार्षिक सर्वसाधारण सभेचे आयोजन करण्यात आले. या सभेचे अध्यक्षस्थानी डॉ. निमा भंडाराचे अध्यक्ष चंद्रकांत निंबार्ते, सचिव डॉ. के. एस. कापगते व कोषाध्यक्ष डॉ. अमित जवंजार आदी उपस्थित होते. तसेच सर्व निमा सदस्यांच्या उपस्थितीत सभा पार पडली. या सभेत निमा भंडारा शाखेच्या नविन कार्यकारिणीची निवड करण्यात आली. सर्व उपस्थित सदस्यांच्या संमतीने नवीन कार्यकारीणी तयार करण्यात आली. नविन कार्यकारिणीच्या अध्यक्षपदी डॉ. राजेश तिरथदास चांदवानी, सचिवपदी डॉ. रूपेश चंद्रप्रकाश द्रुगकर, कोषाध्यक्षपदी डॉ. नितीन रामनारायण गुप्ता, उपाध्यक्षपदीडॉ. पंकज प्रल्हादराव चिरवतकर, सहसचीवपदी डॉ. दिवाकर भगवान चकोले तर कार्याध्यक्षपदी डॉ. अभय गोपाल हजारे यांची सर्वानुमते निवड करण्यात आली. भंडारा जिल्हा निमाच्या अध्यक्षपदी डॉ. राजेश चंदवांनी यांची नियुक्ती झाल्याबद्दल सर्वच स्तरातून त्यांचे अभिनंदन होत आहे.
