दोन टिप्पर व एक जेसीबी जप्त

दै. लोकजन वृत्तसेवा भंडारा :- भंडारा तालुक्यातील मांडवी शेतशिवारात रेतीची चोरी करून टिप्परमध्ये भरत असतांना स्थानिक गुन्हे शाखेच्या पथकाने दोन टिप्पर व एक जेसीबी असा एकूण ८० लाख ६६ हजार रुपयाचा मुद्देमाल जप्त केला. मिळालेल्या माहितीनुसार, स्थानिक गुन्हे शाखेचे पथक पोलीस स्टेशन कारधा हद्दीत अवैध रेती वाहतूक प्रतिबंधक पेट्रोलिंग करीत असतांना मांडवी शेतशिवारात टिप्पर क्र. एमएच ३६ एफ ३४३० चा चालक शिवराम दयाराम धुळसे, रा. नवरगाव (पहेला) हा टिप्पर मालक मकसूद अंन्सारी, रा. भंडारा याचे सांगणेवरून त्याचे ताब्यातील टिप्परमध्ये शासनाचा मालकीची रेतीची अवैधरीता चोरटी वाहतूक करताना मिळून आला. त्याचे ताब्यातून टिप्पर व रेती असा एकूण २५ लाख ४२ हजार रुपयाचा मुद्देमाल जप्त केला.

तसेच मांडवी शेतशिवारात एक विना क्रमांकाचा टिप्परचा चालक आरोपी सम्यक भगवान गणवीर, रा. पालगाव व विना क्रमांकाचा जेसीबीचा चालक आरोपी अजर्ुन मोतीराम मेश्राम, रा. मकरधोकडा, ह.मु. आनंद नगर, कारधा, यांनी टीप्पर व जेसीबी मालक आकर्ष उर्फ आकाश बांते, रा. भिलेवाडा याचे सांगणेवरून अवैधरीत्या साठवणूक केलेल्या रेतीचा साठ्यातील रेती टिप्परमध्ये जेसीबीच्या सहाय्याने भरतांना मिळून आला. त्यांच्या ताब्यातून टिप्पर, जेसीबी व रेती असा एकूण १ लाख २० हजार रुपयाचा मुद्देमाल जप्त करून पुढील कार्यवाहीकरीता तलाठी, ग्रा.पं. मांडवी यांचे ताब्यात देण्यात आला. सदरची कारवाई पोलीस अधिक्षक नूरुल हसन व अपर पोलीस अधिक्षक ईश्वर कातकडे, पोलीस निरीक्षक नितीन चिंचोळकर यांच्या मार्गदर्शनात मडावी, दोनोडे, पुराम, स्थानिक गुन्हे शाखा यांनी केली असुन अधीक तपास पोलीस स्टेशन कारधाचे अधिकारी करीत आहे.