कारखान्यावर पोलिसांनी छापा दारू’ निर्मितीच्या बनावट इंग्रजी
अटक करण्यात आलेल्या आरोपींमध्ये हंसराज सुखचंद मस्करे (४९ रा. ढाकणी), जितेंद्र गोधनलाल नागपुरे (३६ रा. ढाकणी) आणि गुलाब किशन वाढे (४० रा. ओजिटोला) यांचा समावेश आहे. या छाप्यामध्ये पोलिसांनी दारू निर्मितीमध्ये वापरले जाणारे स्पिरीट, रिकाम्या बाटल्या, डुप्लिकेट लेबल, विविध रंगांचे चॉकलेट फ्लेवर, ४ मोटार सायकल, प्लॅस्टिकचे डबे, ड्रम, तयार बनावट इंग्लिश मद्य व पंचनामा मद्य व इतर साहित्य असा एकूण ५ लाख ८८ हजार २६० रुपयांचा माल जप्त केला आहे. याप्रकरणी फिर्यांदी पोउपनि शरद सैदाणे यांच्या फिर्यांदीवरून रामनगर पोलीस ठाण्यात अटक करण्यात आलेल्या तीन आरोपींविरुद्ध तसेच फरार आरोपी धमेंद्र डहारे व इतरांविरुद्ध कलम ६५ अ, ब, के, ड, ई, ८३, १०८, महाराष्ट्र दारूबंदी कायदा १९४९ चे कलम १२३ अन्वये गुन्हा दाखल करण्यात आला आहे. पुढील तपास रामनगर पोलीस करीत आहेत.
सदर ची कारवाई जिल्हा पोलिस अधीक्षक गोरख भामरे, अप्पर पोलिस अधीक्षक नित्यानंद झा, उपविभागीय पोलिस अधिकारी श्रीमती कृष्णा यांच्या मार्गदर्शनाखाली सदर बनावट दारू तयार करण्याचा कारखाना उघडकीस आला. रोहिणी बनकर व एलसीबीचे पोलीस निरीक्षक दिनेश लबडे यांच्या नेतृत्वाखाली सपोनि धीरज राजूरकर, पोउपनि शरद सैदाणे, पो.हे. राजेंद्र मिश्रा, महेश मेहर, भुवन देशमुख, सुजित हलमारे, प्रकाश गायधने, इंद्रजित बिसेन, सुबोध बिसेन, दुर्गेश तिवारी, घनश्याम कुंभलवार, राम खंदारे, लक्ष्मण बंजार आदींनी कारवाई केली.