आज जिल्ह्यातील विविध शिवतिर्थ भाविकांनी फुलणार

दै. लोकजन वृत्तसेवा भंडारा :- भंडारा जिल्ह्यात महाशिवरात्रीनिमित्त अनेक शिवतिर्थावर यात्रांचे व विविध कार्यक्रमांचे आयोजन करण्यात येतात. हे शिवतिर्थर् आज भाविकांनी फुलणार असून सर्वत्र “हर बोला हर हर महादेव’ ची गर्जना ऐकू येणार आहे. यात्रेस्थळी होणारी भाविकांची गर्दी पाहता लोकवाहिणी म्हणून ओळखल्या जाणाऱ्या एसटी महामंडळानेही महाशिवरात्रीनिमित्त विशेष एसटी बसची व्यवस्था केली आहे. तर शांतता व सुव्यवस्था ठेवण्यासाठी पोलीस विभागाने आजपासूनच ठिकठिकाणी बंदोबस्त लावला आहे. भंडारा जिल्ह्यात अनेक शिवतिर्थांवर महाशिवरात्रीनिमित्त यात्रांचे आयोजन करण्यात येते. गायमुख, आंभोरा, कोका अभ्ायारण्यातील लाखा पाटील, जवाहरनगर जवळील झिरी, शहापूर जवळील बल्ल्याची पहाडी, तसेच इतर ठिकाणी व गोंदिया जिल्ह्यातील प्रतापगड येथ्ाील यात्रा विशेष प्रसिद्ध आहे. लाखो भाविक या यात्रेत सहभागी होतात.

जिल्ह्यात परीसरानुसार विविध २५ च्या वर ठिकाणी महाशिवरात्रीनिमित्त यात्रा भरत असते. भंडारा शहरातील खांबतलाव, जवळच्या गिरोला येथे यात्रा भरते. तुमसर तालुक्यातही शिव मंदिर असलेल्या ठिकाणी यात्रा भरते. सध्या शहरांसह ग्रामीण भागातील शिवभक्तांचे पोहे विविध साधनांनी मार्गस्थ झाले आहे. २६ फेब्रुवारीलामहाशिवरात्रीला गंतस्थळी पोहचण्याची धडपड भाविकांत आहे. मात्र, ज्यांचेकडे साधन नाहीत, ते एक दिवसाची यात्रा करण्यासाठी एसटीला पसंती देत असतात. त्यामुळे एसटी महामंडळाने यंदा महाशिवरात्रीनिमित्त गायमुख, प्रतापगड, आंभोरा व लाखापाटील येथे जाणाऱ्या भाविकांसाठी विशेष बस गाड्यांचे नियोजन केले आहे.

गायमुखसाठी २६ फेब्रुवारी रोजी सकाळी ६ वाजतापासून एकूण२१ बसेस सोडण्याचे नियोजन तुमसर आगाराने केले आहे. यात बसेसच्या १५० फेऱ्या होणार आहेत. अशीच व्यवस्था आंभोरा व प्रतागडसाठी करण्यात आली आहे. यातून एसटी आगाराला लाखो रुपयांचे उत्पन्न होणार आहे. यात्रा सुरळीत पार पाडण्यासाठी स्थानिक गावकऱ्यांनी काही समित्यांची नेमणुक केली असून त्यामार्फत व्यवस्था करण्यात आली आहे. तर शांतता व सुव्यवस्था ठेवण्यासाठी पोलीस निरीक्षक नुरूल हसन यांनी अधिनस्थ पोलीस अधिकारी व कर्मचारी यांना खास निर्देश दिले आहे.