बाहेरील लोक तंबू घालून गावात डेरा लावत असतील तर सावधान

दै. लोकजन वृत्तसेवा करडी/पालोरा ः- जिल्ह्यात मोठ्या प्रमाणात वाघाची शिकार करण्याकरीता जंगल शेजारी गावात राहून तंबू ठोकून डेरा लावतात. दिवसा गावात कोणत्याही प्रकारचे वस्तू विकत असतात. रात्री जंगल मध्ये जाऊन शिकार करतात. असा प्रकार आढळल्याने वनविभाग कडून गावोगावी चौकशी करून तपास करीत आहे. त्यामुळे गावात कोणीही बाहेरील डेरा लावून तंबू घालत असेल त्याची तात्काळ वनविभाग कार्यालय येथे माहिती द्यावी असे वनपरिक्षेत्रअधिकारी सि. जी. रहांगडाले यांनी कळविले आहे.

दि. २८ जानेवारी २०२५ रोजी सकाळी ६.३० वाजल्यापासून सहवन क्षेत्र तुमसर अंतर्गत तुमसर रेल्वे स्टेशन, तुमसर देव्हाडी स्टेशन व जांभोरा बीटा अंतर्गत येत असलेल्यामौजा खडकी, पालोरा, केसलवाडा, बोंडे गावाच्या शेजारी तंबू ठोकून वास्तव्य करणाऱ्या लोकांची तपासणी करताना माननीय सी. जी. राहंडाले साहेब वनपरिक्षेत्र अधिकारी तुमसर तसेच पी. डी. चिचमलकर, वनपाल गस्तीपथक तुमसर तसेच सी. डब्ल्यू. सार्वे, वनरक्षक शिवाजी जुंबाड, अनिल झंझाड तसेच इतर वन कर्मचारी वनमजूर सामूहिक वस्ती करण्यात आली डेरे लावून, तंबू ठोकून राहणाऱ्या लोकांची आधार कार्ड इत्यादी तपासणी करण्यात आली.