जेव्हा सहयोग हॉस्पिटल प्रशासनाने अतिक्रमण केलेल्या जागेला तोडण्याकरिता पोहोचले मुख्याधिकारी..

गोंदिया :-गोंदिया शहरातील नावाजलेल्या सहयोग हॉस्पिटल प्रशासनाने हॉस्पिटलमध्ये येणाऱ्या रुग्णांच्या नातेवाईकाची वाहने सुरक्षित रहावी याकरिता पार्किंग ची जागा शोधण्यात हॉस्पिटल जवळील एक जागा कुणाकडून विकत घेतली पण तपासणीत ही जागा अतिक्रमण असल्याची माहिती तक्रारदार गजानन डोये यांनी नगर परिषद प्रशासनाला केल्यामुळे गुरुवार ६ मार्च रोजी नगर नगरपरिषद प्रशासन आपल्या संपूर्ण तोडू दस्त्यासह जेसीबी घेऊन सहयोग हॉस्पिटलच्या जवळ पोहोचला आणि अतिक्रमण तोडण्याची कारवाई करण्याची तयारी करीत असताना संपूर्ण सहयोग हॉस्पिटलच्या स्टाफ आणि त्यांचे बाऊन्सर यांनी सदर जागेला चोहीकडून घेरलेला असल्यामुळे नगरपरिषद प्रशासनाला अतिक्रमण तोडण्यात अडचण येत असल्यामुळे अखेर नगर परिषदेचे मुख्याधिकारी संदीप चिंद्रावार यांना सदर जागेवर पोहोचून सहयोग हॉस्पिटल प्रशासनाचे अधिकारी लोखंडे यांना नगरपरिषदेचा नकाशा सामोर करून त्यांच्या ताब्यातील जागा ही अतिक्रमण आहे असे समजावूनसांगितले आणि सदर अतिक्रमण हे ७ मार्च सायंकाळ पर्यंत स्वतः सहयोग हॉस्पिटल प्रशासनाने तोडून टाकावे अन्यथा ८ मार्चपासून नगरपरिषद प्रशासन सदर जागेवर मोजमाप करून अतिक्रमण तोडण्याची कारवाई करणार असल्याचे सहयोग हॉस्पिटल प्रशासनाच्या अधिकाऱ्यांना बजावले.

सदर वाद हा सहयोग हॉस्पिटल जवळील एका जागेचा आहे आणि या संदर्भात गजानन डोये यांनी नगरपरिषदेला रितसर तक्रार केलेली होती त्यामुळे गुरुवारी सदरची कारवाई करण्यात आली. सहयोग हॉस्पिटल प्रशासनाने पण सदर जागेवर ताबा सोडणार नाही करिता आपल्या परीने पूर्ण प्रयत्न केले. याकरिता हॉस्पिटल प्रशासनाचा अर्धा स्टाफ पण सदर जागेला अतिक्रमण तोडण्यास अडथळा निर्माण करण्याकरिता पाठवून देण्यात आला होता.

गुरुवारी दुपारी एक वाजता पासून सुरू झालेली सदरची कारवाई ही सायंकाळी मुख्याधिकारी संदीप चिंद्रावार यांच्या आल्यानंतर आणि त्यांनी सहयोग प्रशासनाच्या अधिकाऱ्यांना समजाविल्यानंतर संपुष्टात आली आणि अखेर सहयोग हॉस्पिटल प्रशासन सदर वाद असलेली जागा आणि त्यावर केलेले अतिक्रमण बांधकाम स्वतः आपले कर्मचारी लावून शुक्रवार पर्यंत काढून टाकणार सहयोग हॉस्पिटल प्रशासनाच्या या आश्वासनानंतर नगरपरिषद गोंदियाचे मुख्याधिकारी यांनी त्यांना शुक्रवार पर्यंत मुदत दिलेली आहे. सदर जागेवरील अतिक्रमण हे शुक्रवार पर्यत काढण्यात आले नसल्यास नगरपरिषद आपली कारवाई करण्यास मोकळी राहणार असे सहयोग हॉस्पिटल प्रशासनाला बजावण्यात आले आहे.