भरधाव बोलेरो ट्रकवर आदळली, चौघांचा घटनास्थळीच मृत्यू

दै. लोकजन वृत्तसेवा भंडारा :- बोलेरो आणि ट्रकमध्ये झालेल्या भीषण अपघातात चौघांचा घटनास्थळीच मृत्यू झालाय. तर, एक जण गंभीर जखमी झालाय. हा भीषण अपघात मुंबई -कोलकाता राष्ट्र ीय महामार्गावरील भंडारा शहराजवळील बेला येथे दि. २७ एप्रिलच्या रात्री १०.३० वाजताच्या सुमारास घडला. घटनेची माहिती मिळताच पोलिसांचे पथक घटनास्थळी दाखल झाले असून पुढील कारवाईही करण्यात आली आहे. मात्र या घटनेने परिसरात एकच खळबळ उडाली आहे.शैलेंद्र लेखाराम बघेले (३४) रा. खापरी नागपुर, शैलेश पन्नालाल गोकुळपुरे (४०) रा. वायुसेना नगर नागपूर, मुकेश बिंझेवार (३२) रा. वाडी , अशोक फुलचंद धैरवाल (४८) रा. नागपूर असे मृतकाचे नाव आहे. तर बोलोरो चालक अविनाश नागतोडे असे गंभीर जखमीचे नाव आहे. यात कारचा पूर्णतः चेंदामेंदा झाला.

सविस्तर असे की, रायपूरकडून आलेले बोलेरो वाहन हे नागपूरकडे जात होते. यात ५ जण प्रवास करीत होते. बेलागावाजवळ असलेल्या हॉटेल साई प्रसादमध्ये हे सर्व जेवण करण्यासाठी महामार्गावरून वळत असताना नागपूरकडून भरधाव आलेल्या ट्रकवर आदळले. यात चौघांचा मृत्यू झाला. तर, चालक गंभीर जखमी आहे. घटनेनंतर राष्ट्र ीय महामार्गावरील वाहतूक काही काळासाठी थांबली. घटनेची माहिती मिळतात भंडारा पोलीस आणि गडेगाव महामार्ग पोलिसांनी घटनास्थळी धाव घेत अपघातग्रस्तांना तातडीनं जिल्हा सामान्य रुग्णालयात हलविलं. तर, अपघातग्रस्त वाहनांना महामार्गावरून हटवून वाहतूक पूर्ववत सुरू केली.