दै.लोकजन वृत्तसेवा साकोली :- १०० रुपयांत “आनंदा चा शिधा’ किट पाहिजे असेल तर लवकरात लवकर रेशन दुकान गाठा, अन्यथा येत्या काही दिवसांत विधानसभा निवडणुकीची आचारसंहिता लागू झाली तर “आनंदा चा शिधा’ किट मिळणार नाही उपलब्ध. असे संदेश सरकारी रेशन दुकानदारांकडून शिधापत्रिका धारकांना पाठवले जात होते. त्यामुळे सर्वच रेशन दुकानांवर लाभार्थ्यांची मोठी गर्दी झाली होती. अन्न व नागरी पुरवठा विभागाकडून मिळालेल्या माहितीनुसार, यंदाही दिवाळीत शिधापत्रिकाधारक नागरिकांना १०० रुपयांना “आनंदा चा शिधा’ किटचे वाटप करण्यात आले. यावेळी या ४ वस्तूंमध्ये रवा, हरभरा डाळ, साखर, तेल यांचा समावेश आहे. बीपीएल व अंत्योदय शिधापत्रिका असलेल्या लाभार्थ्यांना केव्हाही आचारसंहिता लागू होण्याची शक्यता असल्याने कार्डधारकांना लवकरात लवकर हे किट घेण्यास सांगून हे किट मिळविण्यासाठी नागरिकांमध्ये धावपळ सुरू होती.
आचारसंहिता लागू झाल्यानंतर थेट आनंदाचे वितरण बंद होणार आहे, त्यामुळे अन्न विभागाच्या तहसील कार्यालयाने दुकानदारांना त्वरीत वितरण करण्यास सांगितले होते आणि १००% वाटप प्रथम जो येईल तोच करेल असे जाहीर करण्यात आले होते. सत्कार करणे यामध्ये पाथरी येथील स्वस्त धान्य दुकानदार चिरंजीव मेंश्राम यांनी १९० लाभार्थ्यांना १००% किटचे वाटप करून प्रथम, सावरबांध येथील व्ही. के. सोसायटीचे दुकानदार तुडसीराम बडवाईक यांना द्वितीय पारितोषिक देण्यात आले. त्यांचाही सत्कार करण्यात आला व निशिकांत समृत, पिंडकेपार येथील व्ही. के. सोसायटीच्या दुकानदाराने एका दिवसात ५८५ पैकी ३१५ लाभार्थ्यांना द्वितीय पारितोषिक वितरण केले, या प्रसंगी तपासणी अधिकारी रवींद्र उन्हाळे, पुरवठा निरीक्षक संध्या राऊत, लिपिक दीपक चौधरी, यशवंत बारसे, सुधीर मांडवटकर, स्वस्त धान्य दुकानदार संघटनेचे सचिव मनोहर लंजे आदींसह दुकानदार उपस्थित होते.
