दै. लोकजन वृत्तसेवा भंडारा :- देशाचे संघर्ष योद्धा आमचे लोकनेते, देशाच्या जनतेच्या मनातील खा. राहुल गांधी यांच्या वाढदिवसानिमित्ताने विविध ठिकाणी भंडारा – गोंदिया लोकसभा क्षेत्राचे खा. प्रशांत पडोळे यांनी स्वतः वृक्षारोपन केले. केक कापून खा. राहुल गांधी यांचा वाढदिवस साजरा करण्यात आला. यानिमित्ताने त्यांनी भंडारा गोंदिया लोकसभा क्षेत्रातील प्रत्येकांनी वृक्ष लावावे. त्यांचे संगोपन सुद्धा करावे असे आवाहन खा. पडोळे यांनी लाखांदूर येथील कार्यक्रमात केले. पर्यावरण निर्मिती करणे खूप महत्वाचे झाले आहे. प्रत्येकांनी कुठलाही निमित्य न बघता हारे, तुरे, सत्कारावर खर्च न करता वृक्षारोपण करावे. त्यामुळे आपल्याला पर्यावरण निमिर्ती करता येईल. निसर्गाच्या सौंदर्याने प्रसन्नता वाटते. वृक्षवल्ली आम्हा सोयरे वनचरे! खरच निसर्गाचा अविभाज्य घटक असलेली ही झाडे आपले सगेसोयरे असतात. कारण झाडांमुळे पाऊस वेळेवर मुबलक प्रमाणात पाणी पडतो. चांगला पाऊस पडला की शेतीभाती पिकते. झाडांमुळे जमिनीची धूप कमी होते. झाडांमुळे प्रदूषण टाळता येते. ऑक्सीजन मिळते. भंडारा, गोंदिया लोकसभा क्षेत्राच्या सर्वांगीण विकासासाठी सर्वतोपरी प्रयत्न करणार आहे, दोन्ही जिल्ह्यामध्ये प्रत्येक वेळी योग्य ठिकाणी मोठ्या प्रमाणात वृक्षाची लागवड करावी असे आवाहन भंडारा-गोंदिया लोकसभा क्षेत्राचे खा. डॉ. प्रशांत यादवराव पडोळे यांनी केले आहे.
