दुःखाच्या प्रसंगी आधार: सावरबंध येथे निःशुल्क शीत शवपेटीचे लोकार्पण

दै. लोकजन वृत्तसेवा

साकोली :- समाजसेवा ही प्रसिद्धीसाठी नव्हे, तर गरजेच्या वेळी मदतीला धावून जाण्यासाठी असते, हा विचार प्रत्यक्षात आणत जयंत बडवाईक लोकसेवा प्रतिष्ठानच्या वतीने सावरबंध येथे निःशुल्क शीत शवपेटी उपलब्ध करून देण्यात आली आहे. या उपक्रमाचे लोकार्पण राजकीय पदाधिकाऱ्यांऐवजी तालुक्यातील पत्रकारांच्या हस्ते करण्यात आले. कुटुंबातील व्यक्तीच्या निधनानंतर नातेवाईकांना गावी पोहोचण्यास विलंब होतो, अशावेळी पार्थिव सुरक्षित ठेवण्याची अडचण निर्माण होते. ही गरज ओळखून सुरू केलेल्या या शीत शवपेटीचा लाभ सावरबंध, वाटपही केले जात आहे, कुंभली, बोंडे, वडद, खंडाळा व साकोली तालुक्यातील गरजू नागरिकांना निःशुल्क मिळणार आहे.

गेल्या सहा-सात महिन्यांपासून प्रतिष्ठानच्या माध्यमातून गोरगरीब, मजूर, महिला मंडळे व गरजूना दैनंदिन जीवनावश्यक वस्तूंचे लकी ड्रॉ द्वारे दरमहा मोफत वाटप केले जात आहे. यावेळी पत्रकार राजेश बैस, संतोष कोरे, डी. जी. रंगारी, किशोर रंगारी, नाजिम पठाण, पल्लवी येरणे, शेखर कुटूंबातील बडवाईक यांच्यासह अनेक मान्यवर उपस्थित होते. ‘समाजासाठी उपयोगी पडणे हाच खरा आनंद आहे,’ असे जयंत बडवाईक यांनी सांगितले.