थकीत मानधन व इतर मागण्यांसाठी रोजगार सेवक संघटनेचा जिल्हाधिकारी कार्यालयावर धडक मोर्चा

दै. लोकजन वृत्तसेवा

भंडारा: महाराष्ट्र राज्य रोजगार सेवक संघटनेच्या राज्य कार्याध्यक्ष तथा भंडारा जिल्हाध्यक्ष यांच्या नेतृखाली रोजगार सेवकांच्या विविध प्रलंबित मागण्यांसाठी जिल्हाधिकारी कार्यालयावर धडक मोर्चा काढण्यात आला.

या मोर्चाला काँग्रेसचे नेते आ. नाना पटोले, आ. अभिजित वंजारी, काँग्रेसचे जिल्हाध्यक्ष मुकुंद साखरकर, महिला काँग्रेसच्या जिल्हाध्यक्ष जयश्री बोरकर यांच्यासह काँग्रेसचे पदाधिकारी, कार्यकर्ते व मोठ्या संख्यने रोजगार सेवक उपस्थित होते. यावेळी मोठ्या संख्यने जिल्हाभरातील ग्राम रोजगार सेवक सहभागी झाले होते. हातात मागण्यांचे फलक घेऊन शासनाविरोधात घोषणाबाजी करण्यात आली.

शास्त्री चौक, वल्लभ भोजन ते जिल्हाधिकारी कार्यालयापर्यंत हा मोर्चा काढण्यात आला.

येथे इमेजमधील बातमीचा मजकूर दिला आहे:

यावेळी मोठ्या संख्यने जिल्हाभरातील ग्राम रोजगार सेवक सहभागी झाले होते. हातात मागण्यांचे फलक घेऊन शासनाविरोधात घोषणाबाजी करण्यात आली.

रोजगार सेवकांच्या प्रमुख मागण्या :-

३ ऑक्टोबर २०२४ च्या शासन निर्णयाची तात्काळपणे प्रभावी अंमलबजावणी करावी. ग्राम रोजगार सहायकाचे मागील २४ महिन्याचे थकीत सुधारितमानधन तातडीने वितरीत करावे. शासन निर्णयानुसार देय असलेले मानधन व प्रवासभत्ता नियमानुसार अदा करावा.

ग्राम रोजगार सहायकांच्या सेवेसंदर्भात स्पष्ट, स्थिर आणि सुसंगत धोरण जाहीर करावे. भविष्यात शासन निर्णय जाहीर करून त्याची अंमलबजावणी प्रलंबित ठेवण्याची परिस्थिती निर्माण होऊ नये यासाठी निश्चित कालमर्यादा ठरावी.

गेल्या दोन वर्षांपासून रोजगार सेवकांना सुधारित मानधन मिळाले नसल्याने त्यांच्यावर आर्थिक अडचणीची वेळ आली असून शासनाने तात्काळ निर्णयाची अंमलबजावणी करावी, अशी मागणी यावेळी करण्यात आली. शेवटी जिल्हाधिकारी यांना निवेदन देण्यात आले.