मोहाडी तालुका दुष्काळ घोषित न केल्याने शेतकऱ्यांचा उद्रेक, शासन निर्णयाची होली

दै. लोकजन वृत्तसेवा

करडी/पालोरा :- मोहाडी तालुक्याला दुष्काळ यादीतून वगळण्याच्या निषेधार्थ आज दि. ३० सप्टेंबर रोजी सकाळी ८ वाजता हनुमान मंदिर देवस्थान, नवेगाव बु. येथे शरदचंद्र पवार पक्षाच्या वतीने आ. चरण वाघमारे यांच्या नेतृत्वखाली शेतकऱ्यांनी शासन निर्णयाची होली करून तिव्रशब्ददात शासन निर्णय जाळून आंदोलन केले.

यावेळी शेतकऱ्यांनी ‘शेतकरी एकजुटीचा विजय असो, शासन निर्णयाचा धिक्कार असो’ अशा घोषणा दिल्या. तालुक्यात भीषण दुष्काळी परिस्थिती असताना शासनाने दुष्काळ घोषित न करणे हा शेतकऱ्यांवर अन्याय असल्याचा आरोप आंदोलकांनी केला.

या आंदोलनात गौरीशंकर माटे, जगन्नाथ गोमासे, ओमप्रकाश तिबुडे, अन्वर सपाटे, सौभद्र बांते, सचिन चकोले, विक्रांत मोहतुरे यांच्यासह मोठ्या संख्यने शेतकरी उपस्थित होते. तात्काळ मोहाडी तालुका दुष्काळग्रस्त जाहीर करून मदत द्यावी, अन्यथा तीव्र आंदोलन छेडण्याचा इशारा यावेळी देण्यात आला आहे